Sunday, June 1, 2008

.. اللهم زبلحه

خبر عاجل : استلم السيد الرئيس المبجل محمد حسنى مبارك _هاى هيىء_ كرتونة بلح من امير تبوك الامير فهد بن سلطان
********
تعرف ان ده نزل فى جريدة الاخبار؟ يعنى انت تدفع فلوس و تشترى جرنال عشان تعرف ان الريس جات له كرتونة بلح
استنى كمان .. موقع مصراوى نقلا عن الاخبار
الرابط التالى
! و تم دفع مبلغ 65 جنيه جمرك و ضريبة مبيعات
و تم ذكر اسم موظف الخزينة و رقم ايصال الدفع فى الموضوع
_عشان لو حبيت تتاكد ان الريس دفع_
***********
!يا ترى يا ريس بيفوتروك ولا لا؟
يا ترى شباب الوطنى هيخرجوا يقولوا بالروح بالدم نفديك يا ابو كرتونة ؟
:Dبالذمة مش نفسك تاخد لك بلحاية ؟
**********
: فى رأيك
  1. نغير النشيد الوطنى و نخليه يا نخلتين فى العلالى
  2. نغير النشيد الوطنى و نخليه يا حلوة يا بلحة يا مقمعة
  3. لا بد من الاكتفاء الذاتى و الاعتماد على محصولنا من البلح
  4. هو البلح ده امهات ولا ابريمى؟

2 comments:

Anonymous said...

انت بتتريأ على أسيادك؟؟؟؟؟؟
طااااااااااايب يا بولييييييييييس يا شاوييييييييييييش

والله معااااااك ومعاك قلوبنا واخترناه اخترناه وحسبي الله ومنه لله

a.aTeYa said...

دايما يا مها تشوفى الجزء الوحش من كلامى و تفسريه كده؟ طب ماخدتيش بالى منى و انا بقوله بالهنا و الشفا يا ريس ؟ بس انا اصلا عامل كده عشان معلش يعنى البلح اللى جاله ده مش تمام .. و كمان دفع 65 جنيه؟ ليييييييييه؟ كان يروح يجيب من سوق العبور احسن بقى

:D