!! انــــا نجحـــــــــــــت
فى سابقة تدعو للاستغراب و السعاده و الحزن و كل حاجه اصلاً .. عديت اعدادى طب اسنان
انا من السنه الجاية ان شاء الله .. طالب فى كلية طب الفم و الاسنان .. اه و الله هبقى هناك فى القصر العينى و مش هروح كلية العلوم تانى
عايز استريح لورا على الكرسى و اقول باعلى صوت "اوووووووووووووووووووف" .. و ضميرى مانبنى اوى لانى بمنتهى البساطة .. جبت مقبول .. انا ناجح بتقدير غور للسنة اللى بعديها
:S
عايز اقول انى اسف اوى لانى عملت كده فى نفسى .. و عايز اقول اسف لاى حد استنى منى انى اجيب تقدير
عايز اقول ان كده الاجازة ممكن تبدأ و لو انى حاسس ان ضميرى هيأنبنى تانى
عايز اقول ان الاحلام بتاعة اليومين اللى فاتوا هتبطل بقى .. و مش هقول لو جالى حاجه فى الصيف هسيبهم يروحوا المصيف
و انى مش هقعد اقكر انى لو عندى حاجه مش هقولهم و هقول انى رايح اخد كورسات لحد ما انجح و ساعتها اقولهم
:S
عايز اقول انى اسعد حزين دلوقتى
عايز اقول انى همسح البوست ده كمان يومين بس مش لاقى مكان اقول فيه الكلام ده
8 comments:
مبروك يا ابني الف مبروك،، أسفك معاك يا ضينايا مسامحاك،، روح يا ابني قلبي وربي راضيين عنك
تمسح البوست ده كمان يومين،، اوا معلقالك فيه؟؟ واهون عليك يا ابني،، اكمنك كبرت خلاص ونجحت هتكبر عليا
ليه كده يا ابني
وبعدين تعالى هنا،، ايه حكاية انا حزين جدا سعيد دي؟؟ والبرتقان حادق أوي مسكرررررررر
والبحر رااااااايق بس متعكر
كمنس منس،، الف مبروك وعقبال الشهادة الكبيرة والعيادة الكبيرة واخلع ضرس وركب طربوش ونضف نضف
الا تعالى صحيح انت تعرف فارس بتاع مدونة إتكلم؟؟ كان معاك؟؟
مها ميهوووو
:D صباح الجوافه يا مها .. برتقان ايه؟
قشطه قشطه اقلشى انتى كمان
:D
فارس يا ستى اعرفه من سنتين كده بس هو مش اسنان القاهرة هو المنصورة او الزقازيق غالباً
بالنسبه للطربوش اللى هركبه .. تدفعى كام؟
:]
استنى استنى والنبي ماتمسحش يا عم استنى اما اقول مبروووووووووك .. ومقبول بقى ولا بتقدير قول الحمد لله اديك اترحمت من المسلسلات اللي كنت هتعملها دي والاجازة اللي كانت هتضيع .. مبروك يا باشا وزي ما ميهو قالت عقبال العيادة - مع اني اكتر مشوار بكرهه في حياتي هو مشوار دكتور الاسنان بس هعديهالك بس عشان انت كمنس -
:D
ااااااااااسكت مش انا زعلانه منك .. قفلت البلوج التانية من غير ماحد يقولي وعديتهالك كماااااااان تفتح دي من غير ما تقول واعدي بالصدفه .. اخث عليك اخث عليييييك .. مبروك بقى بطل رغي انت بقيت رغاي كده ليه
:D
عبيييييييييييير
ازيك؟ .. و الله يبارك فيكى و ربنا يخليكى يا رب
:D
مشوار دكتور الاسنان كل الناس بتكرهه .. حتى انا
:D :S :S
و معلش بقى عدى موضوع البلوج بس بجد مبعرفش اعمل اعلان
:D :D
اكتشفت انى فاشل فى ده
منورة يا بيرو
مبروك وربنا يوفقك
الله يبارك فيكى و يوفقك انتى كمان
ايه المرور السريع ده
:)
الف الف مبروك
ومتشيلش البوست
عقبال الدكتوراة
تصفحت مدونتك لاول مرة
وان شاء الله مش اخر زيارة
تقبل تحياتى وخالص امنياتى
الله يبارك فيكى يا رب و انا مش عارف انتى بتدرسى ايه بس حالا هروح بروفايلك و اعرف اهه و عقبالك يا رب لما تحققى كل اللى تتمنيه
ليا الشرف باى حال
:)
Post a Comment